ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










نیتو اروڑا دیاں دو کویتاواں


Posted On :- 30-03-2017


جس بھاشا دا کوی چھوٹا رہِ جاندا ہے
 

                       جس بھاشا دا کوی چھوٹا  رہِ جاندا ہے
                       اتھے لوک 
                       اسمان توں تارے توڑنا چھڈّ دندے ہن
                       چند ماما نہیں رہندا
                        تے بچے
                       سورج نوں فٹ بال بنا
                       تپدیاں گلیاں وچ نہیں کھیڈدے
                      
                       جس بھاشا دا کوی چھوٹا  رہِ جاندا ہے
                        اتھے لوک 


                        اپنی موت دے گیتاں `تے نچدے
                         سنیما گھراں وچ کلا دی موت `تے تاڑیاں ماردے
                         پوپ کورن کھا
                         پیپسی پی گھراں نوں پرط آؤندے
 جس بھاشا دا کوی چھوٹا رہِ جاندا ہے
                          اس دی کتھا
                          بازار وچ نیلام ہو جاندی ہے
                          محفلاں وچ اتہاس دے لطیفے `تے تاڑیاں وجدیاں
                           نائک کھلنائک سبھ بدل جاندے
                           تے بندے جؤندے پریت ہو جاندے

                         جس بھاشا دا کوی چھوٹا  رہِ جاندا ہے
                        اتھے حاکم بے خوف ہو جاندا
                        ربّ اسدا چلھا چونکا کردا
                        تے لوک دروازے ہی نہیں
                        منہ وی بند رکھدے ہن
                    
                       جس بھاشا دا کوی چھوٹا رہِ جاندا ہے
                       اتھے حوصلہ وی چھوٹا رہِ جاندا
                        کلپنا وی حقیقت وی
                        تے بندے وی وڈے نہیں رہندے
                       
                        جس بھاشا دا کوی چھوٹا رہِ جاندا ہے
                       اتھے عورتاں پاگل ہو جاندیاں
 
***
               
                             سپنساز
 
                  اوہ سمجھدے ہن
                 میں خطرناک عورت ہاں
             عورتاں جو سرخی نہیں لاؤندیاں
            چوڑیاں نہیں پاؤندیاں
             گہنیاں دی تھاں
           کتاباں خریددیاں ہن
           
         جنہاں دے پرساں وچّ
          کنگھا شیشہ نہیں
         کاغذ تے قلماں ہندیاں
         اجہیاں عورتاں خطرناک ہندیاں
       
        اوہ مینوں خطرناک سمجھ
         میرا پچھا کردے ہن
         میرے گھر دا ہر کونا پھرولدے
         خالی ہتھ پرط جاندے
         کتوں کجھ خطرناک نہیں ملدا
         
        بس اوہ میریاں
        اکھاں ولّ دیکھنا بھلّ جاندے ہن
        تے تلاشی بناں بچی رہندی ہے
       ایہہ اکو اک جگہ
      جتھے میں سپنے لکو کے رکھدی ہاں



Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code