ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










راجوندر میر دیاں دو کاو-رچناواں


Posted On :- 18-03-2017

وحشت دے یگ 'چ


وحشت دے یگ 'چ
میں اک مانس جنیا ہے
اوہدے پنڈے توں
کولے تے بھورے لو
اجے جھڑھے نہیں

جھڑھ گئے نے تاں میرے ہتھ
جو اڈّ کے آئے
فولاد دے گرم ٹکڑے نے لوہ سٹے

گھگر دے کنارے ٹھنڈھی ریت 'چ
گٹیاں تکّ پہنچے اڑنگ
اسیں گھوگے سپیاں دے گھر بناؤندے
دریا پار کردے
پر ہن تاں جھڑ گئے نے ہتھ
اڈّ کے آئے فولاد دے گرم ٹکڑے نال

میرے کول ثبوت نے اجے
سجرے زخم وانگ کھلیاں اکھاں
تے میں دیکھانگا

دیکھانگا اک سبز منظر
گھراٹ تے پسن آئی مکی دا
لال ہویا رنگ
گلاں لئی املتاس
تے کنا لئی
دھریک دے پھلاں دے گہنے

میں دیکھ سکدا ایہہ منظر
پر اڈّ کے آئے فولاد دے ٹکڑے نے
لوہ سٹیاں میریاں اکھاں
ہن باقی بچے نے تاں ڈیلیاں تو سکھنے ٹوئے
جتھے فلسطین دیاں گلیاں وانگ
ویرانی شوکدی ہے

پر میں سناں گا
سناں گا بطخ دی کئیک -کئیک
دعا منگدی دائی دی
بدبداہٹ وانگ
تیری کمبدی آواز دی ہاں -نانہہ
تے کوسے کوسے ساہاں دا ٹھکّ ٹھکّ ،ٹھکّ ٹھکّ
میری ہکّ 'تے وجنا

میں سن سکدا ایہہ سبھ
پر اڈّ کے آئے فولاد دے ٹکڑے نے
میری گردن اڈا دتی
ہن باقی ہے تاں چمڑی
تھاں تھاں توں لوسی

میں محسوس کراں گا
بچی کھچی لوسی چمڑی نال
محسوس کراں گا
چڑھدے ماگھ دی دھپّ
تے کنک دیاں بلیاں 'چ
دودھ اترن دی سرسراہٹ

وحشت دے یگ 'چ
میں جس پشت نوں جنیا ہے
تے جس نوں نہیں جنیا ہے
سونپ دیوانگا
فولاد دے گرم ٹکڑے نال لوسے ہتھ
پھٹیاں اکھاں
تے اڈیاں گردناں دے اتہاس سمیت
چھوٹے چھوٹے بھنوراں نال
دریا پار کرن دا سپنا
چھراٹیدار مینہہ وانگ
تیرے ہکّ دی دھکّ، دھکّ -دھکّ -دھکّ
                      
***

سفیدے

اس سناٹے 'چ
ایہہ جو آوازاں بچیاں نے
وکھ-وکھ سرنگاں تھانی ہندیاں
اس ٹاپو تے پہنچنگیاں
جتھے ڈیڈھ صدی پرانے
سفیدے دے درکھتاں نوں
اجے وی ڈوڈیاں لگدیاں نے

ایہناں آوازاں کول بچی ہے
کھان وچوں نکلے کولے دی تپش
دھات دے لال ہوئے ٹکڑے نوں
موڑن توں پہلاں
مولڈر دے خیال 'چ بنیا  اس دا بمب
بچیا نوں چہکدا دیکھ
بیت جان دی اداسی نال بھری
پارک دی جنگالی گرلّ

کرت دے ہر نکے جز نال
بدلدی دنیاں وچّ
ہر ادرش راہ 'تے
سفر کرنگیاں ایہہ آوازاں
اک توں دوجے دے کناں 'چ '
پھسپھساہٹ راہیں لنگھدیاں
کروڑاں دلاں 'چ جم جانگیاں
کالے لہو دیاں تھدیاں وانگ
ڈونگھے رہساں سمیت

پہنچنگیاں
کروڑاں -کروڑ لوکاں تکّ
ہمالیا دی اتری باہی توں
سفر کردیاں
تھار دی ریت چمدیاں

چپکے جہے
پیار تے سازش سمیت
ڈونگھے ہنیرے ارتھاں دی
تہہ توں چکّ لینگیاں
ڈیڈھ صدی پرانے
سفیدیاں دی ساں ساں
پھوکویاما
تے اس دے تھنک ٹینکاں نوں
شکشت دندیاں

اتہاس دے چکر چ اپنی واری لیندیاں
اعلان کرنگیاں
کلّ عالم دے کرتیاں دی سانجھ
ہن تکّ دے
جانے سمجھے اتہاس دا
امر سچ۔

                         



Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code