ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










جنگ - سچندرپال پالی


Posted On :- 19-10-2016

گردیو پنڈ ’چ رہن والا 2-3 اےکڑ رکھن والا چھوٹا کسان سی۔ رلدو پنڈ دا دلت مزدور سی، جو کہ بچپن دیاں چھوٹیاں جماعتاں وچّ کدے گردیو دا جماعتی رہا سی۔ بچپن توں ہی دوناں دی کافی سانجھ سی۔

اج اچانک دن ڈھلن دے ویلے جیری وچوں ککھّ پٹدے گردیو دے نال لگدے سرداراں دے کھیت وچّ کم کردے رلدو نے آ پچھیا، “ اوئے میں سنیا کہ کوئی جنگ-جنگ لگن والی آ، سچی گلّ آ ایہہ ؟ ” اسے گلّ دی چنتا توں اج سویر توں گردیو دا کھیتاں وچّ من نہیں سی لگّ رہا، اسدا اکلا-قہرا پتّ سچا وی تاں حالے دو-تنّ سال پہلاں ہی فوج وچّ بھرتی ہویا سی۔
 
گردیو کہندا، “ آہو، میں وی کلّ ٹیلیوژن تے آہی کچھ دیکھیا سی، میرا تاں دل گھبرائی جاندے، پر آہا سالے مودی دی پارٹی والے آودے دفتراں اگے پٹاکے بجائی جاندے نے تے لڈو ونڈی جاندے نے۔ اتوں آہا فلماں دے ایکٹر سالے سرکار نوں جنگ لگن دیاں ودھائیاں دیئی جاندے نے۔ میری انی عمر ہو گئی پر اج تکّ کدے اجیہا کنجر کتا پہلاں نی سی دیکھیا۔ ساڈے پتاں تے بنی آ تے ایہہ جنگ دے نظارے لین نوں پھردے نے۔” گردیو رون حقہ ہو کے کہندا، “ دیکھ لے رلدوا قرضے دی پنڈ نے میرے سچے نوں ایہو جہی نوکری دے چکراں ’چ پا تا۔ ”

پھر رلدو کہندا، “ یر ہور گاہاں ہن سچے نے ڈی.سی. لگنا سی، اپنے ورگے لوکاں دے جواکاں نے تاں آہا فوج پولیس دیاں بھرتیاں ہی تاں دیکھنیاں ہوئیاں، باقی سرکاری نوکریاں تاں ہن پیسے والیاں لئی ہی رہی گئیاں نے، نالے اوہ کہڑا کسے دیش بھگتی جاں چو نوں گیا فوج ’چ، تیرے سر چڑے ہوئے قرضے نوں سہارا لواؤن لئی ہی گیا اوہو۔ توں اینوے دل چھوٹا نہ کر۔ ”

پھیر سرسری جہی گلّ کردے رلدو نے گردیو نوں کیہا، “ بائی غصہ نہ کری، پر اک گلّ کہنی سی، جے جنگ لگّ وی گئی تاں ساڈے آلے لانے نوں تاں کوئی فرق نی، سالا میں تاں ضدن دا دیکھداں اودن دے ساڈے پرکھے آہی لوکاں دے کھیتاں وچّ مٹی-گھٹا ڈھوندے پھردے نے، نہ تاں اج تکّ رہن نوں کوئی ڈھنگ دے دو کمرے بنے نے، تے نہ ہی سالی کدے اگلے دن دی روٹی دی فکر توں بنھاں کدے رات لنگھی آ، پھیر جے ہن پاکستان وی آ چڑھے اوہ کیہڑا ایدوں کوئی زیادہ ماڑا کردو ساڈا یر۔ اسیں تاں اج وی اوویں ہی دوزخ دی زندگی کٹّ رہے آ جویں انگریزاں ویلے کٹدے سی۔ ساڈیاں زنانیاں نوں تاں سالا اج وی کوئی کھیت چوں ساگ نی توڑن دندا۔”

انے نوں اوہ گلاں کردے پنڈ ولّ نوں چل پئے۔ پھیر گردیو کہندا گلّ تاں تیری ٹھیک آ رلدوا، پر آہا جیہڑی جنگ لگو، ایس چ کیہڑا ایہناں منتریاں دے جواک مرنے نے، ایس چ وی تاں اپنے ورگے غریباں دے جواک ای مرنے نے۔

انے ’چ اوہناں نوں پنڈ دی فرنی ’تے بھولے کا تیزی مل گیا۔ تیزی نے بی.اے. بی.ایڈ. کرن توں بعد سرکاری ادھیاپکاں دی نوکری لین واسطے بہت دھرنے دتے تے کئی واری ڈانگاں کھادھیاں سن، شاید ایہناں کھادھے ہوئے دھکیاں کرکے ہی اوہ بے روزگار ادھیاپکاں اتے پنڈ دی نوجوان بھارت سبھا دا ایکٹو میمبر بن گیا سی۔ اوہ کجھ نوجواناں نال کلّ نوں ضلعے دے ڈی.سی. دفتر اگے دھرنا دین دیاں تیاریاں کر رہا سی۔ رلدو نے آہی جنگ والی گلّ بارے پکا پتہ کرن لئی اس توں پچھ لیا۔ تاں تیزی نے نویں ہی گلّ کڈھ ماری، اوہ کہندا کہ نوین جندل تے نواز شریف دی چنگی بندی ہے، جندل بھارت دا وڈا کاروباری آ، دوواں دا سٹیل دا کاروبار ہے۔

اگے اوہ کہندا، “ سرکار چاہے کوئی وی رہی ہووے، لوک جدوں وی آودے مثلیاں نوں حلّ کراؤن لئی اٹھدے نے تاں بہت سارے ملکاں دیاں سرکاراں آپس وچّ جنگ چھیڑ دندیاں نے، اتہاس اس گلّ دا گواہ ہے۔ نالے ہن تاں آپاں ساریاں نوں پتہ ای آ کہ بھارت وچّ مودی دی سرکار اتے پاکستان وچّ نواز شریف دی سرکار لوکاں دے مڈھلے مثلیاں نوں حلّ کرن وچّ ناکامیاب رہی ہے۔ اسے کرکے آہا سارا کجھ ہو رہا ہے۔ ایہہ تاں صرف دو دیشاں دیاں دو حکمران جماعتاں دی جنگ ہے، لوک پاکستان وچّ وی بھکھے مر رہے ہن تے بھارت وچّ وی، بے روزگاری اتھے وی حداں بنے ٹپّ گئی ہے تے اتھے وی، سرکاراں اتھوں دیاں وی ظالم نے تے اتھوں دیاں وی، پاکستان دی فوج وچّ وی عامَ مزدوراں، کساناں دے جواک بھرتی نے تے اتھے وی، اتھوں دیاں سرکاراں وی لوکاں نوں دیش بھگتی دے جال وچّ پھسا رہیاں نے تے اتھوں دیاں وی۔ تے سبھ توں وڈی گلّ، اجہیاں جنگاں دے سر ’تے امریکہ اتے ازرائل ورگے وڈے ملکاں دیاں کمپنیاں دے ہتھیار وک جاندے نے، تاہیوں اوہ اجیہے مثلیاں نوں بنا کے رکھنا چاہندے نے۔ اک گلّ سوچن والی ہے وی بھالاندی جد جنگ تاں خود اک مصلیٰ ہے پھیر ایہہ باقی مثلیاں دا کی حلّ کروگی۔ ”

انی گلّ سن کے گردیو نوں ہن اس ٹی. وی. وچّ خبراں دے رہے بھائی ’تے بہت غصہ چڑھ رہا سی اتے رلدو نوں سرداراں دا منڈا یاد آ رہا سی، جو اپنے لمبے جہے موبائل ’تے گوٹھے نوں اتے-تھلے کر کے پاکستان نوں گالھاں کڈھی جا رہا سی۔



Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code