ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










دکھاں وِچ وی مسکاؤنا سِکھو - سنتوکھ سنگھ بھانا


Posted On :- 29-06-2015

جہڑا بندہ سدا خوش رہندا ہے، وڈی تو وڈی بتپ پین `تے وی اوہدے حوصلے بلند رہندے ہن اتے اوہدے چہرے اتے ہر ویلے آتم-وشواس جھلکدا رہندا ہے، اصل  وِچ  اوہی بندہ سکھی اتے سفل ہندا ہے۔ اوہنوں مشکل دی ہر گھڑی  وِچ  اس گلّ دا پورن یقین ہندا ہے کہ ایہہ جو سنکٹ آیا ہے ایہہ چھن-بھنگری ہے، کجھ چر بعد آپے ای چلا جاویگا۔ اوہ خوش رہندیاں ہویاں حوصلے اتے سوجھبوجھ نال اس اوکھی گھڑی دا ساہمنا کردا ہے۔ ہریک سوجھ وان آدمی ایہہ جاندا ہندا ہے کہ سکھ جاں دکھ پل بھر لئی ہندے ہن۔اوہ اس سچائی نوں وی سمجھدا ہندا ہے کہ آدمی دا جیون کدے وی اکسار نہیں چلدا۔ اس `چ اتراء-چڑھاء دا ورتارا تاں بنیا ہی رہندا ہے۔ سوجھ وان آدمی نہ تاں کدے سکھ  وِچ  خوس ہندا ہے تے نہ ہی دکھ `چ دکھی۔ اوہ ہمیشاں اپنی اکسار سہجتا بنائی رکھدا ہے۔

اسدے الٹ جہڑے بندے ماڑے جہے دکھ  وِچ  ہی دل چھڈّ بہندے ہن۔ اداس جہے ہوکے رونی شکل بنا لیندے ہن اتے ساری دنیاں نوں پوری ویاکھیا سہت اپنے دکھڑے سناؤندے پھردے ہن، کی اوہ اپنے جیون `چ سفلتا حاصل کر سکدے ہن؟ اجیہے آدمی کائر ہندے ہن۔اوہناں `چ کسے وی طرحاں دا کم کرن دی ہمت نہیں ہندی۔ نہ ہی اوہناں `چ آتم-بلم اتے سنگھرش کرن دی شکتی ہندی ہے۔اوہ اندروں ڈرے ہوئے ہندے ہن۔

جیکر تہڈے اتے دکھاں-مصیبتاں دا کوئی پہاڑ ڈگّ پیا ہے، کی تسیں دسّ سکدے ہو کے تہاڈے رون پٹن اتے ہائے طوبیٰ کرن نال ختم ہو جائیگا؟ تہاڈے اداس ہون جاں منہ لمکاء کے ڈگدے -ڈھہندے پھرن نال کی کوئی حلّ نکل آئیگا؟ اجیہا تاں اس جیون `چ سنبھوَ ہے ای نہیں۔

پھر کیوں نہ اجیہی مشکل دی گھڑی `چ ، کھش-کھش رہندیاں، بلند حوصلے اتے آتم-وشواس نال لبریز ہوکے جیویا جاوے۔ جہڑے لوک دکھاں دا مقابلہ کرنا سکھ جاندے ہن اوہناں دے دکھ جلدی کٹے جاندے ہن۔جدکہ اداس جاں منہ لمکاء کے رہن والیاں دے دکھ لمے ہو جاندے ہن۔

زندگی `چ جیکر تسی کجھ حاصل کرنا چاہندے ہو تاں سبھ توں پہلاں دکھاں  وِچ  وی مسکراؤنا سکھو۔ اپنا چہرہ ہسمکھّ بناکے چڑھدیاں کلاں `چ رہن دی عادت پاؤ۔ اک گلّ تا پکی ہے کہ تسی اپنا دکھی اتے لمکیا چہرہ وکھا کے لوکاں دے مکھول دا پاتر بندے ہو۔ تسیں اپنی رونی شکل بناکے جاں اداسینتا پرگٹ کرکے اپنے دکھاں دا سماں ودھا لیندے ہو۔

نراشا، اداسینتا جاں سستی دور کرن دا پکا علاج ہے، آشا۔ سفلتا اتے سکھ تلاشن دی زبردست اچھا۔ اپنے من `چ جنی شدت نال آشا دی جوت جگاؤگے، انی جلدی ہی اداسینتا بھجیگی۔ آشاوادی بنے رہن دی عادت نال تسیں پکے طور `تے خود `چ خوش رہن والے ویکتیتو دا وکاس کر سکدے ہو۔ ایہدا سوکھا طریقہ ایہہ ہے کہ سویرے اکھ کھلھدیاں ہی اپنے آپ نال آشا بھریاں گلاں کرو۔ جوے- `اج کڈا ودھیا دن چڑھیا ہے----۔``

انند اتے اتشاہ نال بھریا جیون ہی ساڈی مانسک ترکی اتے سبھیتا دا لچھن ہے۔ جہڑے بندے اندر انند اتے اتشاہ نہیں ،اوہ جؤندے مردے وانگ ہندا ہے۔ انند اتے اسشاہ نال ہی اسیں ہر سکھ پراپت کر سکدے ہاں۔اداسی اتے پریشانی، جیون نوں کھوکھلا کر دندی ہے۔ اداسینتا ساڈا سارا اتشاہ ختم کر دندی ہے۔ اسیں نکھٹو بنکے رہِ جاندے ہاں۔ کجھ کرن دا من ای نہیں کردا۔ اسیں اکھڑے اکھڑے جہے رہن لگّ پیندے ہاں۔ اسیں اپنے منووکاراں دے غلام بنکے اپنا سندر جیون نشٹ کر لیندے ہاں۔

`ساڈے تاں بھاگ ای ماڑے ہن.......ساڈے نال تا ربّ وی رسّ گیا ہے۔.......`۔اس طرحاں دیاں گلاں کرکے اسیں اپنیاں کمزوریاں اتے پردہ پاؤندے ہاں۔ زندگی `چ جیکر کوئی بپتا آن پئی ہے تاں تسیں اسدے مول `چ جان دی کوشش کیوں نہیں کردے؟ جیکر کجھ ماڑا ہو گیا ہے تاں ربّ نوں دوش دین دی بجائے خود نوں دوشی کیوں نہیں مندے؟ جتھے کوئی وگاڑ پیا ہے، اتھے پوری لگن اتے اک نویں اتشاہ نال اس کم نوں شروع کرکے تاں ویکھو۔ پھر ویکھو کم کویں نہی سنوردا۔ہندا تاں ایہہ ہے کہ اک نکا جیہا جھٹکا لگدیاں دی اسیں موتھے-منہ ڈنگ پیندے ہاں۔ اپنا سارا حوصلہ گوا بہندے ہاں۔

اپنے من دے بوہے سدا اتشاہ، امنگ اتے انند لئی کھلے رکھو۔ ادھے-اتھورے من نال کیتا گیا کوئی وی کم سرے نہیں چڑھ سکدا۔

آشا نال بھرے دماغ والا آدمی سنسار دی وڈی تو وڈی مشکل اپر وی جت حاصل کرکے ہی ساہ لیندا ہے۔



Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code