ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










گجرات ودھان سبھا چوناں تے خوفزدہ مسلم بھائی چارا -راجیو کھنہ


Posted On :- 18-04-2017

جویں -جویں گجرات دیاں ودھان سبھا چوناں نیڑے آ رہیاں ہن ، اسے طرحاں فرقو دھرویکرن دی سیاست تیز ہو رہی ہے ۔ مسلم بھائیچارے اندر سہم دا ماحول صاف دکھائی دے رہا ہے ۔ بھاجپا ، سنگھ پریوار تے اسدے سہیوگی سنگٹھن جویں بجرنگ دل ، وشو ہندو پریشد ودھان سبھا دیاں 182 `چوں 150 دے ٹیچے دی پراپتی لئی پوری طرحاں کارج شیل ہو گئے ہن ۔ حالَ ہی دیاں گھٹناواں نوں مسلم بھائی چارا اک لڑی وجوں دیکھ رہا ہے ۔ یو پی جت توں بعد سنگھی کوڑمے دے حوصلے بلند ہن ۔
      
احمدآباد ستھت اک پترکار دا کہنا ہے ، ``لوک اک وار پھر توں رام مندر دے نعرے سن رہے ہن ۔ کندھاں `تے ہندواں نوں لوَ جہاد توں سچیت کرن دے سنیہے لکھے جا رہے ہن ۔ اسدا مقصد صوبے `چ فرقو تاپمان بنائی رکھنا ہے جس کرکے دھرویکرن نوں ہنگھارا ملدا رہے ۔ `` گجرات `چ کندھاں `تے اس طرحاں دے سنیہے کجھ پرمکھ بستیاں `تے دیکھے گئے ۔ پاٹن ضلعے دے وڈاولی پنڈ `چ مسلماناں `تے ہنسا  توں بعد سوراشٹر دے امریلی ضلعے دے سورکنڈلا `چ ہنسک جھڑپ ہوئی ہے ۔

سوتراں انوسار پاٹن ضلعے وچ دنگا ہندو تے مسلمان منڈیاں دی توں توں - میں -میں توں شروع ہویا جدکہ سورکنڈلا `چ ہنسا ادوں ہوئی جدوں اک مسلم لڑکا اک ہندو کڑی کول بیٹھا سی ۔ اتھے ہر چھوٹی-موٹی لڑائی فرقو ہنسا دا روپ لے لیندی ہے ۔
   
سماجک کارکن رفیق ملک دسدے ہن ،`` اسیں اپنے بھائیچارے دے نوجواناں نوں ایہی سمجھا رہے ہاں کہ کسے طعنے جاں ٹپنی توں اتیجت ہو کے پرتیکریا نہ دیوو ۔ بہو گنتی دے کسے اکساوے دا جواب نہ دیوو ۔ اتیجنا نوں ہنسا `چ بدلنا فرقو دھرویکرن دی سیاست کرن والیاں نوں راس آؤندا ہے ۔``
      
حالَ ہی `چ ہوئیاں گھٹناواں کسے چھوٹی جہی گلّ توں ہی شروع ہوئیاں سن ۔ چھوٹی گلّ توں شروع ہویا تکرار پہلاں پتھربازی پھیر اگزنی دیاں گھٹناواں دا روپ لے لیندا ہے ۔ اک ہور کارکن وقار انوسار 2002 دیاں گھٹناواں وی اسے طرحاں دیاں چھوٹیاں لڑائیاں توں شروع ہوئیاں سی پر ادوں مسلمان انے سچیت نہیں سن ۔ وقار کجھ سماں پہلاں مڑوسا گئے سن کجھ اجیہے ہی معاملے دے سبندھ وچ ؛اتھے وی لڑائی چھیڑچھاڑ توں شروع ہوئی سی تے مسلم پریوار نے ڈر کے اپنے رشتے داراں دے گھر شرن لے لئی سی ۔
         
سماجک کارکناں انوسار بجرنگ دل تے ویئیچپی نے زمینی پدھر `تے اپنا کم کرنا شروع کر دتا ہے ۔ پنڈاں `چ ہو رہے سنت سمیلناں `چ اوہناں دی بھومکا اہم ہندی ہے ۔ اوہناں وچ ہندے بھاشناں `چ مسلماناں پرتی زہر اگلی جاندی ہے ۔ اوہناں دی رننیتی صاف ہے ۔ اوہ وکھ -وکھ جاتاں اپّ جاتاں گوتاں دے سنتاں نوں اک منچ `تے اکٹھا کردے ہن ۔ پنڈ دے لوکاں `تے اپنے کارکناں جاں رشتے داراں راہی دباء پایا جاندا ہے ۔ جنہاں نوں اوہ نانہہ نہیں کر سکدے ۔ ایہناں سمیلناں `چ ہندو ایکتا توں گلّ شروع ہندی ہے تے مسلم ورودھی نفرت `تے جا ختم ہندی ہے ۔
       
اک ہور سماجک کارج کرتا دکھنی گجرات دے برڈولی دی ریلی دی ادہارن دندا دسدا ہے کہ رامنوویں دے موقعے ہندووادی سنگٹھناں نے پاکستان تے کشمیر بابت کویتاواں نوں خوب وجایا تاں جو مسلماناں نوں اکسایا جا سکے ۔ یاد رہے دکھنی گجرات ہی ویئیچپی دے `گھر واپسی` ابھیان دا  تھئیٹر رہا ہے ۔ گٔو رکھیا اک اجیہا مدعا ہے جسنوں دلتاں تے مسلمان نوں ونڈن تے اوہناں دی آپسی نربھرتا نوں ختم کرن لئی زور -شور نال اٹھایا جاندا ہے ۔
         
سمودائک نیتا اتے اسلامک رلیپھ سمتی دے سابقہ پردھان شکیل احمد دا کہنا ہے ، ``میں ایہہ تاں نہیں کہانگا کہ لوک ڈرے ہوئے نے پر اس گلّ دی چنتا ضرور ہے کہ کیتے مسلمان اپنی رکھیا لئی کوئی پرتیکریا نہ کر بیٹھن، جے ایہہ ہو گیا تاں ماحول بڑا خطرناک بن سکدا ہے ۔``شکیل احمد اجیہی حالت لئی اکھوتی دھرم -نرپکھّ نیتاواں نوں وی دوشی ٹھہرا رہے ہن جو ہن ہندووادی سنگٹھناں نال ترے پھردے ہن ۔
       
 حالیہ دھرویکرن دا مکھ بندو مارچ دے انت `چ احمدآباد `چ  ویئیچپی دی ریلی `چ پروین توگڑیا دا بھاشن رہا ہے ۔ اسے سمیں سنگھ دے سہیوگی سنگٹھن مسلم راشٹری منچ نے اک شرم ناک گھٹناکرم دے مدنظر اپنا دفتر رلیپھ روڈ `تے کھولھیا ہے ۔ رپورٹ انوسار اپنے سائینبورڈ چوں جموں-کشمیر دا وڈا حصہ غائب کر دتا ۔
       
سماج سیوک مکھتار احمد انوسار ایہناں دناں `چ نیڑے آ رہیاں چوناں ، ہندو -مسلمان `چ ودھ رہا تناء ہی چرچہ دا وشا بنیا ہویا ہے ۔ ہندواں تے مسلماناں وچکار ودھ رہیاں دوریاں کسے وڈی تے ماڑی گھٹنا نوں جنم دے سکدی ہے جو انتہا پسند دے راس آ سکدی ہے ۔

            ( راجیو کھنہ کیچّ نیوز دے سہائک سمپادک ہن )


Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code