ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










اکھاں دان، مہان دان -وکرم سنگھ سنگرور


Posted On :- 25-08-2014

ایہہ دنیاں ہی نہیں، سگوں زندگی دے رنگ وی اودوں تیک ہی خوبصورت ہن، جدوں تیک اکھاں سلامت ہن۔جدوں اکھاں بجھ جان تاں دنیاں دے خوبصورت رنگ کالے پے جاندے ہن تے زندگی فکی۔اس گل نوں جیکر محسوس کرنا ہووے تاں اپنیاں اکھاں ’تے کجھ کو سمیں لئی پٹی بنھ کے دیکھو تاں اس درد دا کجھ کو احساس تاں ضرور ہو جاویگا، جس نوں اکھاں توں سکھنے انگنت لوک اج ہنڈھا رہے ہن۔ایہہ اوہ درد ہے، جس نوں اکھاں دان کرن پرتی لوکاں نوں جاگروک کرکے، کجھ کو حد تک ہی نہیں، سگوں پوری حد تکّ ختم کیتا جا سکدا ہے۔سریر دے دوجے انگاں دل، گردے تے پھیپھڑیاں آدی وانگ اکھاں وی منکھی سریر دا اجیہا حصہ ہن، جہڑیاں کہ سمیں سر جیکر کسے لوڑوند ویکتی نوں مل جان تاں اس دی بے نور زندگی وچ پھر توں نور پرط سکدا ہے۔

اکھاں وچ جو کالا گول حصہ ہندا ہے، اس نوں کورنیاں (اکھ دی پاردرشک جھلی) کیہا جاندا ہے۔ایہہ اکھ دا اوہ حصہ ہے، جس صدقہ اسیں باہری چیزاں نوں دیکھدے ہاں۔اکھاں دی روشنی بجھن جاں جھلی دے پربھاوت ہون دے مکھ کارن کپوشن، سٹ لگنا، جمادرو بیماری اتے لاگ آدی ہو سکدے ہن۔بجھیاں اکھاں پھر توں جگمگا سکدیاں ہن، بشرطے کسے مرے ویکتی دیاں اکھاں دیاں جھلیاں جیکر چھ توں اٹھ گھنٹیاں وچّ اوہناں اکھاں نوں نصیب ہو جان، پر ہندوستان وچّ اس کارج نوں نیپرے چاڑھن دے راہ وچ حالے کئی روڑھے ہن۔
 

ہندوستان وچّ اکھاں دان کرن دے راہ وچّ سبھ توں وڈا روڑھا اندھ-وشواس دا ہے۔اتھے کئی لوکاں دا ایہہ مننا ہے کہ جیکر ویکتی دی موت پچھوں اکھاں کڈھ لئیاں جان تاں اوہ اگلے جنم وچّ اکھاں توں سکھنا پیدا ہووےگا جاں پھر اس دی آتما نوں دکھائی نہیں دیویگا۔اس توں بناں اتھے لوکاں دا اک اجیہا ورگ وی ہے، جہناں دی سوچ اکھاں دان سبندھی اندھ-وشواس تو پیڑت ہون دے نال-نال اس گلّ توں وی گھبراؤندی ہے کہ اکھاں کڈھن سمیں چیر-پھاڑ کرن نال مردہ سریر دا چہرہ وگڑ جاندا ہے۔اتھے اس گل نوں جانن دی لوڑ ہے کہ مردہ سریر دیاں اکھاں کڈھن دا مطلب اس دی ساری اکھ کڈھنا نہیں ہندا، سگوں اس کارج وچ اکھ وچلی صرف گول کالی جھلی ہی کڈھی جاندی ہے اتے اس نال چہرہ خراب نہیں ہندا۔

اکھاں دان کرن دا جتھوں تکّ سوال ہے تاں اس معاملے وچ ساڈا گوانڈھی ملک سری لنکا اک مثال بنیا ہویا ہے۔ سری لنکا آکار وچ بے شکّ بھارت نالوں چھوٹا ہے، پر اوہ ساری دنیاں دیاں اکھاں وچ چانن ونڈن دے معاملے وچّ وڈا بن چکا ہے۔جتھے بھارت وچّ اکھاں دان کرن سبندھی اندھ-وشواس اکھوں سکھنے ویکتیاں لئی شراپ بنیا ہویا ہے، اتھے ایہو اندھ-وشواش سری لنکا وچّ وردان ثابت ہو رہا ہے۔سری لنکا وچ لوکاں دا ایہہ وشواس ہے کہ جہڑا ویکتی اکھاں دان کردا ہے، اوہ سورگ وچّ جاندا ہے۔اصل وچّ اس دیاں جڑھاں سری لنکا دے سبھیاچارک پچھوکڑ وچّ لکیاں ہوئیاں ہن، جس وچّ بدھ دھرم وچلا ‘دان’ دا سنکلپ اکھاں دان کرن لئی پریرت کردا ہے۔ایہو کارن ہے کہ جدوں اتھے کسے ویکتی دی موت ہندی ہے تاں رشتے دار نیڑلے ڈاکٹر نال رابطہ کرکے سبندھت ویکتی دیاں اکھاں دان کردے ہن۔
 
اکھاں دان کرن لئی ضروری ہے کہ اچھکّ ویکتی اپنا ناں اکھاں دے بینک جاں ہسپتال وچّ درج کروائے۔اس توں بناں ایہہ ہور وی ضروری ہے کہ ویکتی دی موت توں ترنت بعد رشتے دار اس سبندھی نیڑلے اکھاں دے بینک نوں سوچت کرن اتے دوجیاں نوں وی اس کارج پرتی جاگروک کرن نہ کہ اندھ-وشواس دا پرسار کرن۔اکھاں دان کرن سبندھی پریرت کرن اتے اس سبندھی لوک مناں وچ وسے اندھ-وشواس دی کالخ نوں میٹن وچّ دھارمک ستھان بہت وڈی بھومکا نبھاء سکدے ہن۔اس توں بناں اکھاں دی مہتتا اتے دان سبندھی سکولی پدھر توں ہی بچیاں نوں پریرت کیتا جانا چاہیدا ہے۔اس نال نہ سرفمپ؛ بچیاں دی، سگوں اوہناں دے ماپیاں دی سوچ وچّ وی بدلاؤ آویگا، جس صدقہ اکھاں دان کرن بھاونا اک پروارک ریت وجوں وی ابھر سکیگی۔
 
آؤ اپنیاں اکھاں دان کریئے تے اوہناں دی دنیاں نوں روشنی نال سجاکھا کریئے، جہناں لئی ایہہ دنیاں دے معنے صرف تے صرف ہنیرا بن چکے ہن۔




Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code