ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










کرتی لوکاں نوں سنگھرش دا سنیہا دندا شہید -اے -اعظم دا بتّ


Posted On :- 28-03-2017


-شو اندر سنگھ
                         
``اسیں بتّ پوجا وچ وشواس نہیں رکھدے پر چنھاتمک طور `تے ایہناں دے مہتو نوں گھٹّ کرکے نہیں دیکھیا جا سکدا ۔ اسیں اپنے ہیرو ، پیارے جاں گورو دی فوٹو جاں مورتی اپنے گھر `چ سجاؤندے ہاں ، ایہہ تصویراں جاں مورتیاں ساڈے اندر جذبہ تے اتشاہ پیدا کردیاں ہن ۔ جے ایہناں دی کوئی مہتتا نہ ہندی تاں روس دی سماج وادی سرکار دے چلے جان توں بعد تے پونجیوادی ووستھا دے آؤن `تے لینن دے بتّ نہ توڑے جاندے ۔  مہان ہستیاں نال جڑیاں یاداں ، ستھاناں تے پرتماواں دا اہم ستھان ہندا ہے ۔ اج جدوں پھاسیوادی طاقتاں پٹیل نوں ہندوتو دا چہرہ بنا کے اسدا وڈّ- اکاری بتّ لاؤن دی تیاری `چ ہن تاں محنت کش لوکاں دی سہائتا نال لگایا بھگت سنگھ دا ایہہ بتّ پھاسیواد دے   الٹ  انقلاب دا پرتیک   ہے ۔``
   
ایہہ بول سن `شہید بھگت سنگھ دشا ٹرسٹ` دے  پردھان کامریڈ شیام سندر ہراں دے ، سماں سی 28 ستمبر 2015 , کروکشیتر ریلوے سٹیشن توں 100 میٹر دی دوری `تے شہید بھگت سنگھ دے بتّ دے لوک -ارپن دا ۔


قریب ڈیڈھ سال  بعد اپروکت کہے بول سچ ہندے جاپ رہے نے ؛ پنجاہ فٹّ اچائی والا  شہید -اے -اعظم دا بتّ دیکھن والیاں `چ  انقلابی چیتنا دا سنچار کردا ہے ۔ ریل یاترو جدوں اسنوں دیکھدے ہن تاں آپ -مہارے `انقلاب زندہ باد` دا  نعرہ مونہوں نکلدا ہے ۔ نوجوان شہید دی پرتما نال تصویراں کھچواؤندے ہن تے سنستھا توں شہید دے وچاراں بارے جانو ہندے ہن ۔ سنگھرششیل کرتی لوکاں نوں ایہہ بتّ اپنے لوک -سنگھرشاں نوں ہور تکھا کرن دی پریرنا دندا جاپدا ہے ۔
         
دیش دا سبھ توں اچا بسٹ ( سینے تکّ دا بتّ اتے وشو `چ  بھگت سنگھ دا سبھ توں اچا بتّ ) 32 فٹّ اچی تے 20 فٹّ چوڑی ادھار -شلا `تے سشوبھت  ہے ۔ بتّ دی اپنی اچائی 18 فٹّ ،چوڑائی 14 فٹّ تے موٹائی 8 فٹّ ہے ۔ کانسے دی اس مورتی دا کل وزن ڈھائی ٹن ہے ۔ اس تکّ جان لئی 38 پوڑیاں بنائیاں گئیاں ہن ۔ ٹرسٹ دے وتّ سکتر سری سریش کمار انوسار ، `` بتّ اتے ادھار -شلا  `تے قریب 40 لکھ رُ خرچ ہوئے ہن ۔ کوئی سرکاری سہیوگ نہیں لیا گیا  بلکہ  محنت کش لوکاں دی مدد نال ایہہ وشال پرتما ہوند ` چ آئی ہے ۔ `` بتّ اتے 22 لکھ 55 ہزار رُ خرچ ہوئے ہن تے 32 فٹّ اچی ادھار -شلا `تے قریب 18 لکھ رُ خرچ ہوئے ۔ بتّ توں پردہ ہٹاؤن دی رسم وی کرتی لوکاں دے آگوُ پھول سنگھ (پردھان جن-سنگھرش منچ ہریانہ ) دوارا ادا کیتی گئی ۔
      `
 بتّ لگاؤن  دا وچار کویں بنیا ؟` ایہہ پچھن `تے کامریڈ شیام سندر کہندے ہن ، `` جدوں اسیں بھگت سنگھ دا دوبارہ گمبھیرتا نال ادھٔین کرنا شروع کیتا تاں اس سٹے `تے پہنچے کہ بھگت سنگھ  ہی صحیح ارتھاں `چ بھارت دی دھرتی `تے پہلے مارکسوادی چنتک ہن ۔ دیش `چ اک کمیونسٹ پارٹی  ہون دے باو جود بھگت سنگھ دا چنتن ہی انقلاب دا پروگرام پیش کردا ہے تے کرتی لوکاں دی مکتی اسے راہ `تے چل کے ہو سکدی ہے ۔ ساڈی سنستھا نے فیصلہ کیتا کہ بھگت سنگھ دے وچاراں نوں پھیلاؤن لئی اک سینٹر بنے ۔ آکرشن تے پریرنا لئی اک وشال بتّ ستھاپت کیتا جاوے جو پوری دنیا دے لوکاں نوں دکھے ۔ اسے ادیش لئی اسیں محنت کش لوکاں دے سہیوگ نال ریلوے سٹیشن کول جگہ خریدی ۔ حالَ ہی `چ اسے سنستھان `چ اک لائبریری وی کھولھی ہے ۔``  
          
انترراشٹری سوچ والے وچارک شہید -اے -اعظم بھگت سنگھ نوں بھارت دے نال -نال پاکستان `چ وی یاد کیتا جاندا ہے ۔ ایہہ بتّ دلی -امرتسر ریلوے لائن کول ستھت ہے جو سدھا لاہور نوں جاندی ہے ۔ اج جدوں اپنے نجی سوارتھ لئی دوہاں ملکاں دیاں سرکاراں نفرت دی راجنیتی کر رہیاں ہن ، اتھے ایہہ بتّ دوہاں ملکاں دے کرتیاں نوں اوہناں دے سانجھے ہتاں دی  یاد دلاؤندا  ہویا `سوہی سویر ` دی پراپتی لئی سنگھرش دا ہوکا دے رہا ہے ۔



Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code