ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










ماہلپر دے پنڈاں نوں لگیاں پنجاب روڈویز دیاں ست بساں چوں چار بند


Posted On :- 27-02-2014

شو کمار باوا 

بلاک ماہلپر دے کنڈھی خطے سمیت ہور پنڈاں نوں ماہلپر توں پنجاب دے پرمکھ شہراں، قصبیاں اتے پنڈاں نوں جان والیاں پنجاب دیاں ست بساں وچوں تنّ مکمل طور تے بند اتے چار اچ ادھیکاریاں ولوں نجی بسّ کمپنیاں نوں لابھ پہنچاؤن لئی اوہناں نوں جان بجھکے چھٹی تے بھیجن اتے وبھاگ نوں روزانہ ہزاراں روپئے دا گھاٹا پین اتے پینڈو لوکاں دے وڈے پدھر تے کھجل خوار ہون دا معاملہ ساہمنے آیا ہے۔ پنجاب روڈویز دیاں بے نیئمیاں اتے انگہلیاں کارن بند ہو رہے بسّ روٹاں توں عامَ جنتا بے حدّ پریشان ہو رہی ہے۔

ماہلپر توں پھگواڑا جان لئی پنجاب روڈویز شہید بھگت سنگھ نگر دے ستّ روٹ چلدے ہن،جہناں وچوں تنّ روٹ پچھلے کافی لمبے سمیں توں بند پئے ہن۔ باقی بچدے چار روٹاں ’ تے وی ڈرائیور اتے کنڈکٹر ودھیرے کرکے چھٹی ’تے رہندے ہن۔ کئی واری اس روٹ ’تے کئی کئی دن اک ہی بسّ چلائی جاندی ہے۔ جس نال عامَ جنتا نوں سفر کرن لئی پریشانی ہندی ہے اتے نجی بسّ کمپنیاں نوں ودھیرے لابھ پہنچدا ہے، جس لئی سدھے طور تے روڈویز دے ڈیوٹی سیکشن نوں ذمہ وار ٹھہرایا جا سکدا ہے۔ وبھاگ دے بھروسے یوگ سوتراں توں پراپت جانکاری انوسار ڈوٹی سیکشن ولوں نجی بسّ کمپنیاں نوں کتھتّ لابھ پہنچاؤن لئی جان بجھکے تنّ تنّ ڈرائیور کنڈکٹراں نوں چھٹی بھیج دتا جاندا ہے۔ جدکہ چھٹی گئے اکت ملازماں دی تھاں بدلویں پربندھ کیتے ہی نہیں جاندے اتے نہ ہی نوینیاں بساں بھیجیاں جاندیاں ہن۔ اکت ستّ روٹاں وچوں اک وشیش روٹ جیجوں دوآبا توں جالندھر دا وی ہے، جو پچھلے کئی سالاں توں بند کیتا ہویا ہے۔

ایہناں بسّ روٹاں دے بنا کارن بند ہون نال کنڈھی کھیتر دے لوکاں نوں آواجائی لئی ودھیرے مشکلاں پیش آ رہیاں ہن۔ سوتراں نے دسیا کہ ڈیوٹی سیکشن ولوں پیسیاں دے لالچ وچّ آ کے نجی بسّ کمپنیاں نوں لابھ پہنچاؤن لئی آنے بہانے روڈویز دیاں بساں کھڑھیاں کروا دتیاں جاندیاں ہن۔۔اوہناں دسیا کہ روڈویز نوں گھاٹا پین دا کارن وبھاگ دے بھرشٹ ادھیکاریاں دیاں کتھتّ بے ایمانیاں ہی ہن۔ علاقے دے لوکاں نے سرکار توں منگ کیتی ہے کہ بساں دے بند پئے اکت روٹ جلدی چالو کیتے جان اتے روٹ بند کرن والے ذمہ وار ادھیکاریاں ورودھ سخت کاروائی کیتی جاوے۔

اوہناں دا کہن ہے پنجاب روڈویز شہید بھگت سنگھ نگر دے ڈیوٹی سیکشن ولوں نجی بسّ کمپنیاں توں پیسے لے کے روڈویز دیاں بساں آنے بہانے کھڑھیاں کروا دتیاں جاندیاں ہن تاں جو نجی بساں والیاں دے مالکاں نوں ودھ لابھ مل سکے۔ اوہناں کیہا کہ پنجاب روڈویز دے جیجوں جالندھر اتے ماہلپر توں پھگواڑا روٹ کنڈھی کھیتر دے لوکاں لئی آوازائی لئی مہتوپورن ستھان رکھدے ہن۔ ایہہ روٹ بند ہون نال کنڈھی کھیتر دے پینڈو لوکاں نوں وڈی ماترا وچّ کھزل خوار ہونا پے رہا ہے۔ اوہناں کیہا کہ پنجاب روڈویز نوں گھاٹا پین دا وڈا کارن لمے سمیں توں چلدے وکھ وکھ روٹاں دا بند ہونا وی ہے۔ اوہناں سرکار اتے سٹیٹ ٹرانسپورٹ وبھاگ توں منگ کیتی کہ بند پئے روٹاں دے کارناں دی گمبھیرتا نال جانچ کیتی جاوے اتے زمیوار ادھیکاریاں ورودھ سخت کاروائی کیتی جاوے۔

اس سبندھ وچّ پنجاب روڈویز دے اچ ادھیکاریاں نے سمپرک کرن تے اپنا نام گپت رکھن دی شرط ’تے دسیا کہ جو سرکار چلاؤن والے کہندے ہن ،وبھاگ دے اچ ادھیکاری ڈرائیوراں اتے کنڈکٹراں نوں اوہی حکم کردے ہن۔ مزبوریبس تھلے دے ملازماں نوں کرنا پیندا ہے۔ اس سبندھ وچّ کامریڈ درشن سنگھ مٹو اتے بیبی شبھاش چودھری دا کہن ہے کہ سرکار چلاؤن والے وڈے سیاسی آگوآں دیاں خود دیاں اپنیاں نجی بسّ کمپنیاں ہن ۔ اس لئی اپنے دھندے نوں چمکاؤن لئی اوہ سرکاری بساں نوں بسّ اڈیاں وچّ جاں خراب ہون دا بہانہ بناکے ورکشاپاں وچّ کھڑھیاں کرن لئی مجبور کردے ہن۔ اجیہے سیاسی آگوآں کارن سرکار نوں روزانہ لکھاں دا گھاٹا سہنا پے رہا ہے جدکہ اوہناں دی اپنی ٹرانسپورٹ دی سارے روٹاں تے چاندی ہے۔





Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code