ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










دابھولکر نوُں دھارمک کٹڑپنتھیاں قتل کیتا : پریوار


Posted On :- 18-12-2013

-شواندرسنگھ

اندھ وشواساں ورودھ لمی لڑائی لڑن والے مہانراشٹر دے اگھے تکرشیل آگوُ نرندر دابھولکر دے قتل نوں پورے چار مہینے بیت جان دے باو جود اصل دوشیاں دی شناخت نہ ہون کارن دابھولکر دے پریوار تے اوہناں دی اندھ-شردھا نرمول سنستھا ’چ کافی روس پایا جا رہا ہے۔

بھاویں 3 دسمبر نوں پنے کرائیم برانچ نے سبندھت معاملے ’چ دو ویکتیاں نوں شکی ادھار ’تے گوا توں پھڑیا ہے، پر نرندر دابھولکر دے پریوار تے سنیہیاں دا کہنا ہے کہ اصل ’چ ایہہ قدم صرف خاناپورتی لئی کیتا گیا ہے، جدکہ انا سماں بیت جان دے باو جود اصل دوشیاں نوں پھڑن ’چ صوبہ پولیس ناکامیاب رہی ہے تے اس معاملے دی اچّ پدھری جانچ ہونی چاہیدی ہے۔


مرحوم دابھولکر دے پتر حامد دا کہنا ہے، ‘‘پنے کرائیم برانچ نے جنہاں ویکتیاں نوں حراست ’چ لیا ہے، اس بارے پریوار نوں کوئی خاص جانکاری نہیں ہے صرف میڈیا رپورٹاں توں ہی پتہ لگا ہے۔ ‘‘اس پرکریا ’چ ہو رہی دیری پریوار لئی وی چنتا دا وشا بنی ہوئی ہے۔’’

سری حامد نے دسیا کہ ‘‘مہانراشٹر ودھان سبھا دا سرد رتّ اجلاس ناگپور ہو رہا ہے، اسیں وی ناگپور ’چ دو دنتوں اپنیاں منگاں نوں لے کے اتھے روس مظاہرہ کر رہے ہاں۔ ساڈی منگ ہے کہ اس اجلاس وچّ ودھان سبھا ولوں جادو ٹونے تے کالے علم خلاف قانون بنایا جاوے تے دوجا سری دابھولکر دے قتل دے معاملے دی اچ پدھری جانچ ہووے۔’’

اندھ شردھا نرمول سنستھا دے آگوُ سری ملن دیشمکھ دا کہنا ہے، ‘‘ساڈا مننا ہے کہ پولیس نے جو بندے گرفتار کیتے ہن اوہ صرف کھاناپورتی ہے۔ ایہناں ویکتیاں دا قتل ’چ کوئی سدھا ہتھ نہیں لگدا۔ ساڈی سنستھا دا یقین ہے کہ سری دابھولکر نوں دھارمک کٹڑپنتھیاں نے قتل کیتا ہے۔ ساڈی سنستھا دے کئی آگوآں نوں ہن وی دھارمک کٹڑپنتھیاں ولوں دھمکیاں بھرے پتر مل رہے ہن۔’’
دسنیوگ ہے کہ مرحوم نرندر دابھولکر لمے سمیں توں مہانراشٹر ’چ اندھ وشواساں، جادو-ٹونے تے کالے علم خلاف لڑائی لڑ رہے سن۔ اس دے خلاف اوہناں نے ‘اندھ شردھا نرمول سنستھا’ دا نرمان وی کیتا۔ اوہ جادو-ٹونیاں تے کالے علم خلاف سرکاری قانون پاس کرواؤن لئی لمے سمیں توں جد وجہد کر رہے سن۔ جس کرکے بہت سارے روڑیوادی سنگٹھن اوہناں دے خلاف ہو گئے سن۔ اس توں بناں اوہناں چھوت-چھات تے روڑیوادی ریتاں ورودھ وی لڑائی لڑی۔ 20 اگست نوں کجھ ان پچھاتے ویکتیاں نے اوہناں دے ممبئی ستھت گھر دے باہر گولیاں مار کے ہتیا کر دتی سی۔

مرحوم وچارک دی بیٹی مکتا دا کہنا ہے، ‘‘بھاویں ساڈا دیش دے قانون ’چ پورا وشواس ہے پر پولیس کاروائی ’چ ڈھلّ-مٹھل ایہہ سنیہا دندی ہے کہ دیش دا کوئی وی اگانھ ودھو وچاراں والا ویکتی سرکھات نہیں ہے۔ ساڈے پریوار نے صوبہ پولیس نوں شکی ویکتیاں دی سوچی وی سونپی ہے، پر سفلتا نہ دے برابر ہے۔’’



Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code