ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










بادشاہت تے فرقہ پرستی- رگھبیر سنگھ


Posted On :- 14-05-2015

جمہوری انتظام وچ سرکاراں بندیاں بدلدیاں رہندیاں ہن ۔ دیش دے آزاد ہوں پچھوں بھارت وچ پہلے دھاکے نوں چھڈ کے جدوں کانگریس پارٹی دی پورن سرداری سی ، صوبیاں تے مرکز وچ انتظامی طور تے سرکاراں دے بنن بدلن دا اک سلسلہ چلدا رہیا ہے ۔ نویاں آیاں سرکاراں اپنی پارٹی دی سوچ تے ایجنڈے دے مطابق پہلیاں دستوراں تے کم کار دے ڈھنگ طریقیاں وچ تبدیلیاں وی کردیاں رہندیاں ہن ۔ایہہ سارا کجہ کوئی نواں طریقہ نہیں جمہوری نظام وچ ایہہ اک چلدی ہوئی ریت اے۔ اس طرح دی تبدیلی جموریت وچ سہج روپ پروان کردی ہے۔

عام چوناں نال جو نتیجے ساہمنے آئے اوہ بہت ڈراوئنے تے چونکا دین آلے سن ۔ پہلی واری اک اجہیی پارٹی دی حکومت نوں ووٹاں ملیاں سن جس دی فرقہ وارانہ مشہوری پردیاں وچ چھپائی وی چھپی نہیں رہ سکدی۔ تے ایس دے آگو وجھوں اک اوہ بندہ ابھر کے ساہمنے آیا سی جس دے ہتھ پہلاں اک صوبے دے وزیر اعلیٰ ہون دی حیثیت وچ اک فرقے دے سیکڑے ہزاراں لوکاں دے لہو نال رنگے ہوئے سن ۔ دھرم دے غیر جانب دار انسانی حلقیاں نوں ایہہ ڈر سی کہ اس نویں سرکار دی وجہ نال ملک دے وڈے عقیدے تے وڈی سبھیاچارک ہوند نوں خطرہ ہو سکدا اے۔

بہتا سماں نہیں بیتیا کہ ایہہ سارے توکھلے تے ڈر صحیح ثابت ہون لگے ہن ۔ مہاتما گاندھی دے قتل مگروں آر ایس ایس دی جس تنظیم اُتے پابندی لگائی گئی سی اوہ تنظیم موجودہ حکومتی ڈھانچے دا تھم ہے۔ ایس طرح ہندو پریشد اتے ہندو تو نوں اگے ودھان آلیاں کئی تنظیماں تے لشکراں د ا جادو دیس بھر وچ وچھیا ہویا اے۔ ایہہ ساریاں تنظیماں اک دم سرگرم ہو کے اپنے اصلی روپ وچ ساہمنے آ گیاں ہن ۔ اوہناں نوں یقین ہے تے ایس یقین دے وکھالے لئی کوئی لکا چھپا وی نہیں ہو رہیا، کہ ایہہ سماں ہے جدوں اوہناں ولوں دیش دے مذہبی غیر جانب داری دے اتہاس نوں کھورا لا کے اس نوں ہندو ریاست دے روپ وچ بدلیا جا سکدا اے ۔ 'گھر واپسی' دے ناں تے مذہبی تبدیلی دے میلے زور شور نال ہو رہے نے۔ سادھاں تے سادھویاں (سادھو دی موئنث) ولوں متواتر زہر اگلیا جا رہیا اے ۔ عیسائیاں ،مسلماناں تے دوجے دھرماں نال تعلق رکھن آلے لوکاں ،عبادت گاہواں تے تعلیمی اداریاں نوں پر تشدد حملیاں آتش زنی تے لٹ کھوہ دا نشانہ بنایا جا رہیا اے ۔ دوجے دھرم دیاں عورتاں تے وحشیانہ حملیاں راہیں اوہناں اتے مجرمانہ حملیاں تے اوہناں نوں قتل کرن دا بازار گرم ہے ۔ تے جدوں ایہہ سارا کجہ واپر رہیا ہوندا اے اودوں حکومت خاموش تماشائی ہی نہیں بنی ہوئی ، سگوں ایس طرح دے ورتارے نوں ہلا شیری دین والی دھر وجھوں ساہمنے آرہی اے۔

ایہہ سارا کجہ عوامی کھیتر وچ تاں کھلے عام ہو ہی رہیاہے ، پردھان منتری مودی دی اگوائی وچ سیاست دی پدھر تے وی بی جے پی دی سرکار وچ ،کتے لکاواں تے کتے ساہمنے بہت کجہ ایس طرح دا واپر رہیا اے جو دیش دے جمہوری ڈھانچے اتے مذہبی غیر جانب داری دکھ لئی چیلنج بندا ہے ۔ دیش دے قانون دی عظمت وچوں مذہبی غیر جانب داری اتے سماج واد ورگے لفظاں نوں کڈھے جان دی گل ہو رہی اے ۔ تعلیم تے سبھیا چار نال جڑے شعبیاں ، تاریخ ، کلا تے ادب نال جڑے سرکاری تے نیم سرکاری اداریاں یونی ورسٹیاں تے ہور اداریاں وچ فرقہ وارانہ سوچ رکھن آلیاں دی بھرتی کیتی جا رہی اے ۔ اسکولاں ، درسی کتاباں ،فلماں تے دوجی فنی تھانواں نوں وی مذہبی رنگ دتا جا رہیا اے ۔ اک لکویں طریقے نال میڈیا دا گلا گھٹن دی کوشش ہو رہی اے ۔ ایس سب کجھ نوں ویکھدیاں ہر روز کئی حادثے ہوندے نے، جنہاں دی سیدھ اک طرح نال فاشزم ول ہے ۔

نظریے دی پدھر تے ساڈا تاں مننا ہے کہ مذہب اک اجہی تنظیم ہے جو لوکاں نوں بھلاندرے وچ تاں پا سکدا ہے پر ایس نال خوش حالی تے بہتری نہیں ہو سکدی ۔ مذہب آپسی پیار نہیں سگوں ویر کرنا ودھیرا سکھائوندا ہے ۔ ایس لئی لوکائی دی خوش حالی مذہبی جادو توں انتم طور تے آزاد ہون چ ہے ۔ پر کوئی حکومت کسے خاص مذہب ،عقیدے یا کم نوں اگے ودھان دا وسیلہ بنے ایہہ تاں بہت ہی خطرناک طریقہ ہے ۔ بدقسمتی نال بھارت دے نویں حکومتی طریقے نے اس خطرے نوں حقیقت وچ پرتا دتا ہے ۔ اگلی چوناں تک سرکار دی تبدیلی دی اڈیک تے امید کرن توں پہلاں ہن ای ایس خطرناک حالت توں چھٹکارے لئی ساہت کاراں ،کلاکاراں، تے دانش وراں سمیت فکر مند لوکاں ولوں تکڑی مہم چھیڑے جان دی لوڑ اے ۔

    Muhammad Jawaid Mirza
پنجابی ( شاہ مکھی ) وچ لکھے گے اس مضمون دی تعریف کرنی چاہیدی اے تا کہ ہور لکھن والیاں دی وی حوصلہ ہووے ------ بہت ودھیا جی خوش رہوو

Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code