ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










طالبان، دہشت واد تے امریکہ- بُوٹا سنگھ


Posted On :- 29-12-2014

پاکستان دے اُتر پچھمی صوبے خیبر پختون خوا دی راجدھانی پِشاور دے آرمی پبلِک سکول اُپر حملہ کرکے ١٣٢ بچیاں تے اِک درجن دے قریب سکول مُلازماں سمیت ١٤٨ جِنداں دا قتلِ عام کرن والے کٹڑپنتھی طالباناں دی اِس پُوری طرح بُزدِلانا تے درِندا کاروائی نوں جِنی وی لنتے پائی جاوے اونی ہی تھوڑی ہے۔ یقیناً ہی ایہہ پاکستانی طالبان (تحریکِ طالبان پاکستان)دی ہُن تک دی سبھ توں گھِناؤنی کاروائی ہے۔ اوہناں نے اِس نوں پاکستانی فوج ولوں طالبان دے خِلاف چلائی جا رہی صفایا مہم دا بدلہ لین دی کاروائی دسکے جائز ٹھہراؤن چاہیا ہے۔ طالبان دے بُلارے محمد عمر خوراسانی انوسار، ٰٰاسیں فوج دے سکول نوں حملے لئی اِس کرکے چُنیا کیونکہ حکومت ساڈے ٹبراں اتے عورتاں نوں نِشانہ بنا رہی ہے۔ اسیں چاہوندے ہاں کہ ایہناں نوں وی دُکھ دا احساس ہووے۔ٰٰ ایہہ قتلِ عام اینا بھیانک سی کہ افغانستانی طالبان نوں وی اِس دی نِکھیدی کرنی پے گئی۔

طالبان دی لڑائی پاکستانی راج، مطلب حُکمراناں دے اوس حِصے نال ہے جس نے امریکی سامراج واد دِیاں موجودہ گِنتیاں مِنتیاں اتے ہِت پُورتی انوسار طالبان دی سرکاری پُشت پناہی کرن دی پُرانی نیتی نوں درکِنار کرکے ہُن اِس خاص مذہبی کٹڑپنتھی جتھے بندی نوں دباؤن دی نیتی اختیار کیتی ہوئی ہے۔ اِس نیتی تحِت پاکستان دے اُتری وزیرستان اتے خیبر دے قبائلی علا قے وِچ دہشتگرداں دے اکھوتی ٹِکانیاں اُپر ١٥ جون توں امریکی خہیب ایجنسیاں سی۔آئی۔اے۔ تے پینٹاگان   نال مِل کے پاکستانی فوج نے اپریشن ضربِ عضب (بدر تے اوہُد دِیاں لڑائیاں وِچ پیغمبر محمد ولوں استعمال کیتی تلوار دے ناں ٰتے وِڈھیا فوجی حملہ) شروع کیتا ہویا ہے۔ امریکی اِشارے ٰتے وِڈھے اِس ویاپک فوجی حملے بارے کُل عالم دا کارپوریٹ میڈیا خاموش ہے۔ ایہہ قبائلی کھیتر فوج دے مکمل گھیرے ٰچ ہون کارن ایتھے بے قصور قبائلی عوام دی قتل وغارت دی پُوری تصویر باہر نہیں آ رہی۔ کیونکہ کارپوریٹ میڈیا اوہی تصویر دِکھا رہیا ہے جو امریکہ اتے اِس دے اِشارے ٰتے کم کر رہی پاکستانی فوج اِس وقت جگ نوں دِکھاؤنا چاہوندے ہن۔ حال ہی وِچ پِشاور حملے دے جواب وِچ پاکستانی فوج ولوں خیبر کھیتر اُپر ویہہ ہوائی حملے کرکے گھٹوگھٹ ٥٧ ٰٰطالباناںٰٰ نوں مار مُکاؤن دے دعوے توں ایتھے فوج ولوں مچائی جا رہی ساڑستی سمجھ آ سکدی ہے۔

حالانکہ مذہبی کٹڑواد ہر طرح دی ترقی پسند وِچاراں نوں آپنا دُشمن مَندا ہے پر طالبان دے وحشی حملیاں دی نِکھیدی کردے وقت سانوں ایہہ بھُلنا نہیں چاہیدا کہ اِسلامِک کٹڑ دہشت پسنداں دا پرتیکرم محض آپنی مذہبی شریعت دی دھونس جماؤن دِیاں بدحواس کاروائیاں دا سلسلہ نہیں ہے۔ میڈیا نے پِشاور کانڈ نوں نِرا پاکستانی بچیاں دے پڑھائی دے حق اُپر حملہ بناکے پیش کیتا ہے۔ در اصل اِس نال اُوس دھاڑوی، ناحقی جنگ دے خِلاف مُسلِم جگت دا غُصیل پرتیکرم جُڑیا ہویا ہے جو جنگ امریکی سامراج وادی دہشتگرد تے ہور پچھمی طاقتاں نے دہشت واد خِلاف جنگ دے بہانے مُسلِم مُلکاں اُپر تھوپی ہوئی ہے۔ سِٹے وجوں ٢٠٠١ توں لے کے افغانستان وِچ ٥٠٠٠٠، پاکستان وِچ ٥٠٠٠٠، عراق وِچ ٢٠٠٣ توں لے کے ہُن تک ١٣٠٠٠٠ اتے سیریا وِچ ٢٠١١ توں لے کے ١٩١٣٦٩ ناگرِک مارے جا چُکے ہن۔ ایہہ گل وکھری ہے کہ اِس ناحقی جنگ نوں کٹڑ مذہبی نظریے توں لے رہے ہون کارن طالبان ورگیاں طاقتاں دا نِشانہ ایہناں مُلکاں دے نظام شاید ہی اتے بے قصور لوک اکرھ ہی بندے ہن۔

اِس سال جون مہینے پاکستانی فوج نے اُتری وزیرستان دے سنگھنی آبادی والے علا قیاں نوں ہوائی بمباری اتے توپاں دا نِشانہ بناکے فرمان جاری کر دِتا سی کہ جہڑڑے لوک ایہہ علا قہ خالی کرکے نہیں جان گے اوناں نوں دہشتگرد منیا جاوے گا۔ نتیجتاً، اُجڑے تے برباد ہوئے قبائلیاں دی تاداد دس لکھ دے قریب ہے۔ ٧ لکھ دے قریب تاں مہاجر کیمپاں ٰچ جاں ہور بہُت ساریاں پاکستان تے افغانستان دے نال لگدے علا قیاں وِچ پناہ لئی بیٹھے ہن۔ ٢٠٠١ توں لے کے ایتھے ٤٠٥ ڈرون حملیاں اتے بے شُمار فوجی کاروائیاں ٰچ ہزاراں عام ناگرِک مارے جا چُکے ہن۔ بِیورو آف اِنویسٹی گیٹِو جرنلِزم دی رِپورٹ انوسار پاکستان وِچ اگست ٢٠١١ تک ٧ سالاں اندر سی۔آئی۔اے۔ دے ڈرون حملیاں وِچ ١٦٠ بچے جدکِ ایہناں پنج سالاں وِچ ٢٤٠٠ توں لے کے ٣٨٨٨ عام ناگرِکاں سمیت ٢٠٠ دے قریب بچے مارے جا چُکے سن۔ ٣٠ اکتوبر ٢٠٠٦ نوں پاکستان دے بزور کھیتر دے اِک مدرسے اُپر ڈرون حملے وِچ ٨٢ پڑھیاراں دا قتل ِعام اتے غازہ وِچ ٢٠١٤ وِچ ٣٤٤ فلسطینی بچیاں دا قتلِ عام میڈیا نوں دہشتگردی کویں نظر نہیں آئے؟ امریکی ڈرون حملے ایتھے بچیاں تے عورتاں سمیت عام لوکاں اُپر جو موت ورسہ رہے ہن ایہہ جانی تے مالی تباہی میڈیا لئی دہشتگردی نہیں ہے۔ کارپوریٹ سرمائیداری دے کنٹرول والے میڈیا نے خاص گھٹناواں دی سنسنی خیز تصویر راہیں دُنیا دا سماجی ورتاریاں نوں دیکھن دا نظریہ اِس طرح دا بنا دِتا ہے کہ کِسے دہشت پسند گروپ دی کوئی وڈی خونی واردات تاں انسانیت دے خِلاف بہُت گھِناؤنا جُرم نظر آؤندی ہے اتے آؤنی وی چاہیدی ہے، پر امریکہ، یورپ اتے اِس دے اِسرائل، پاکستان، افغانستان تے ہِندوستان ورگے پِٹھو نِامماں ولوں لگاتار چلائی جا رہی گھٹ تیبرتا والی دہشتگردی نوں اوسے طرح دے گھِناؤنے جُرم اتے اِنسانیت دے گھان وجوں نہیں لیا جاندا۔

ایہہ سچ ہے کہ دہشت پسند لہراں اکرپ ہی سٹیٹ نال سِدھی ٹکر لین دی تھاں عام نِہتے ناگرِکاں نوں قتل کرکے ٰبدلہٰ لین دا سُکھالا اتے پُوری طرح ناحق ڈھنگ اختیار کردیاں ہن۔ بے شک شریعت ادھارت مذہبی راج بناؤن لئی لڑ رہیاں کٹڑ اِسلامِک جتھے بندیاں منُکھی تہذیب نوں جہالت ول واپس موڑن اُپر تُلیاں ہون کارن منُکھتا لئی گھمبیر خطرہ ہن۔ ایہناں دِیاں گھِناؤنیاں دہشت پسند کاروائیاں امریکن سامراج واد اتے وکھو وکھرے مُلکاں دے ہور پِچھاکھڑی راجاں نوں آپنی راج مشینری دے دندے ہور تِکھے کرکے عوام دی حق جتائی نوں کُچلن دا ڈھُکواں بہانہ مہیا کردیاں ہن اتے امریکہ دی اگوائی والی اکھؤتی ٰٰدہشت واد خِلاف جنگٰٰ نوں جائز ٹھہراؤن ٰچ مدد کردیاں ہن۔ پر سوال محض طالبان جاں اِسلامِک سٹیٹ ورگیاں دہشت پسند جتھے بندیاں دِیاں غیر انسانی کاروائیاں دی نِکھیدی کرن دا نہیں ہے۔ سگوں ایہہ سمجھنا ضروری ہے کہ اِک پاسے سامراجواد، خاص کرکے امریکی سامراج واد اتے دُوجے پاسے طالبان جاں اِسلامِک راج ورگیاں ایہہ پِچھانہہ کھچو طاقتاں کیویں اِک دُوجے دِیاں پُورک ہن۔

طالبان اتے اِسلامِک سٹیٹ دے کاریاں دی نِکھیدی تاں دُنیا دا سبھ توں وڈا دہشتگرد راج امریکہ، اِسرائل اتے ہِندوستان ورگے اِس دے جی حضوریئے دہشتگرد راج وی سبھ توں اگے ہو کے کر رہے ہن۔ جاہن ں دے آپنے ہتھ بے شُمار نِہتے اتے بے قصور لوکاں دے خُون نال لتھ پتھ ہن۔ امریکہ ولوں افغانستان، عراق، لِبیا اتے سیریا دی عام وسوں اُپر انےر واہ بمباری اتے اقتصادی پابندیاں لا کے لکھاں عراقی بچیاں نوں موت دے مُنہ دھک دین دی امریکی دہشتگردی اگے طالبان دا حالیہ حملہ بہُت بونا ہے۔ فلسطینی وسوں، ہسپتالاں، سکولاں، مسجِداں ورگیاں جنتک تھاواں اُپر اِسرائلی دہشتگرد راج دے لگاتار موت دا چھٹا دین والے بمب حملیاں نوں امریکہ دی اِخلاقی تے راجکی حمایت اتے تکنیکی مدد اتے پِچھاکھڑی دہشتگرد گروہاں نال اِس دے گھِناؤنے گٹھ جوڑ پختہ ثبوت ہے۔ کیویں امریکہ آپنے دھاڑوی مقاصد لئی اجہیاں پِچھانہ کھِچو طاقتاں نوں دہشتگرد گروہاں وجوں پالدا پوسدا ہے اتے پھِر خُود ہی ایہناں اُپر ٰدہشت واد خِلاف جنگٰ وِڈھکے عالمی امن دا ٹھیکے دار بن جاندا ہے اِس دی اُگھڑویں مانل الاطعدہ اتے اِسلامِک سٹیٹ ہے۔ امریکی سامراج وادیئے آپنے یُدھ نیتک تے لوٹو مقاصد مطابق کِسے مُلک نوں کمزور کرن لئی اوتھے کٹڑپنتھی گروپاں نوں کھڑے کرکے، فِرقُو جھگڑے تے ہنسا پھیلاکے اوتھے امُک خاناجنگی شروع کرواؤدے ہن۔ ایہہ گروپ امریکی پُشت پناہی نوں آپنے سماجاں دے اگانہہ ودُھو تے جمہوری قدراں قیمتاں نوں ڈھاہ لاؤن، آپنی مذہبی سبھیاچارک دھونس تھوپن اتے خوف، نفرت تے فِرقُو پاٹک دی سیاست پھیلاؤن لئی رج کے استعمال کردے ہن۔

١٩٨٠ویاں ٰچ پاکستانی خُفیہ ایجنسیاں اتے ساؤدی سلطنت نال مِل کے افغانستان دے سوویت یونیئن پکھی نظام دا تختہ پلٹن اتے آپنی پِٹھو حکومت قائم کرن دے یُدھنیتک مقاصد نال تباہی تے بربادی دے مونہت دھکن والا خُود امریکہ سی۔ اِس نے ساؤدی مدد نال مِل کے پہلاں ڈالر، ہتھیار اتے یُدھ سِکھلائی دے کے افغان مُایہِدین ناں دا کٹڑ طاقتور ہتھیاربند دھڑا تیار کیتا اتے اِس ذریعے افغانستان نوں کدے نہ مُکن والی خاناجنگی وِچ جھوکیا۔ اودھر آپنی دلال ضیاء الحق حق حکومت راہیں پاکستان دا ویاپک اِسلامی کرن کروایا۔ ایہہ ضیاء  حکومت ہی سی جس نے امریکی ہدایتاں ٰتے آپنی سرزمین اُپر ٨٠٠٠٠ افغاناں نوں مُجاہدین وجوں سِکھلائی دِتی۔ ایہناں مجاہدین گُٹاں دے آپسی چودھر بھیڑ اتے کھہِ بازی دے عمل اندر ہی موجودہ طالبان دا جنم ہویا۔ طالبان خاناجنگی دی حالت دا لاہا لے کے اقتدار اُپر قابض ہو گئے اتے ١٩٩٦ توں ٢٠٠١ تک افغانستان دے وڈے حِصے اُپر اِس نے آپنا کٹڑ مذہبی راج چلایا۔ پھِر جدوں ٢٠٠١ دے اخیر ٰچ امریکہ نے تیل کھیتراں اُپر قبضے اتے آپنی عالمی دھونس تھوپن لئی ٰٰدہشت واد خِلاف جنگٰٰ دا نواں پینتڑا لے کے افغانستان اُپر وڈے حملے راہیں طالبان نوں ستا توں دبل دِتا اتے اِتھے آپنی پِٹھو قرضائی حکومت بنا دِتی تاں الاتعدہ تے طالبان دھڑیاں نے وی آپنے ہتھیاراں دے مونہہ امریکی تے اِس دِیاں اتحادی ریاستاں ول موڑ لےا۔ اودوں توں امریکہ اتے اِس دے پِٹھو پاکستانی حُکمران طالبان توں کھیہڑا چھُڈاؤن دی لڑائی لڑ رہے ہن۔ امریکہ نے افغانستان اُپر آپنا قبضہ برقرار رکھن لئی گُوآنڈھی پاکستان دے اُتر پچھمی حِصے نوں آپنے بے رحم حملیاں دی مار ہیٹھ لیاندا ہویا ہے۔ جِتھے طالبان پکھی جہادی گُٹاں نے مذہب دے ادھار ٰتے تکڑا ادھار بنا رکھیا ہے۔

امریکی نظام آپنے مقاصد  نوں الزام دے کے ہُن اِس سال افغانستان وِچوں آپنی فوج واپس بُلاؤن دی یوجنا بنا چُکا ہے۔ اِس بھوِکھ نقشے نوں مُکھ رکھدے ہوئے اوس دی ٹیک ہُن پاکستانی فوج اُپر ودھدی جاندی ہے۔ افغانستان وِچلے طالبان نوں دباؤن لئی ضروری ہے کہ اِس دی سرحد نال لگدے اُتر پچھمی قبائلی کھیتر وِچوں پاکستانی طالبان دا دبدبا ختم کیتا جاوے اتے اِسلامِک جہادیاں نوں آپنی حالیہ نیتی انوسار کِسے ہور امریکی موہرے دی چھتری ہیٹھ اِکٹھے کر لیا جاوے۔ اِس منورتھ نال طاہر القادری نوں شِنگاریا جا رہیا ہے۔ ایسے امریکی پالیسی تحِت پاکستانی فوج پاکستانی طالبان نوں کھدیڑن ٰچ لگی ہوئی ہے۔ ایہہ حالات ہن جس وِچ فوج دے حملیاں دی مار ہیٹھ کمزور پے رہے طالبان دے دہشت پسند پرتیکرم ساہمنے آ رہے ہن۔ آؤن والے دِناں وِچ پاکستان اندر فوج دا دبدبا ہور ودھے گا اتے چُنی ہوئی نواز شریف حکومت دی راجسی بُھومِکا ہور سُنگڑ جاوے گی۔ لہٰذا بھاری حملے دے دبائ ہیٹھ آئے طالباناں ولوں اِس طرح دے کانڈ رچن دی سمبھاونا وی ودھدی جاوے گی۔

اِس دہشتگردی دے بول بالے اندر پاکستان دے عوام ولوں طالبان دی وحشت دا سرعام ورودھ اِک ہان پکھی اتے سواگتی وگ رجحان ہے۔ جس توں آس بجھدی ہے کہ بھوِکھ وِچ طالبان اتے پاکستانی راج ولوں مچائی ہنیرگردی نوں تِکھے لوک روہ دا ساہمنا کرنا پوےگا۔



Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code