ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










پاکستان پرتی مودی دے بدلے تیوراں دا 'راج' - پرتپال


Posted On :- 11-10-2014

پاکستان نال سبندھاں نوں لے کے بھارتی حاکماں دے طیور سمیں-سمیں کیوں بدلدے رہندے ہن، بھارتی جنتا لئی اک سوال ہے؟ بساں وچّ لاہور پہنچن دیاں ٹاہراں مارن توں بعد کارگل جنگ لڑی جاندی ہے۔ ٹینکا نال پاکستانی سرحداں اپر بھارتی فوج دی تعیناتی توں بعد آگرے وچ پاکستانی جرنیل نال سبندھ سدھارن لئی گل بات دا ماحول بنیا جاندا ہے۔ پر سبندھاں دے سدھار وچّ روڑا ہمیشاں پاکستان نوں ہی درسایا جادا ہے۔ بھارت دے موجودہ پردھان منتری مودی نے اپنے عہدے دی سہں چکّ سماگم ویلے سارک دیشاں دے مکھیاں سمیت پاکستان دے پردھان منتری نواز شریف نوں وی نؤندا دتا اتے اسدی ماں نوں شال دا تحفہ دتا اتے استوں اپنی ماں لئی چٹی (امن) ساڑی قبول کیتی۔ ماحول توں ایوں بھلیکھا پین لگیا پیا کہ چوناں سمیں اتے اس توں پہلاں پاکستان خلاف حملہ آور بھاشا دی ورتوں کرن والا مودی شاید پاکستان نال امن پوربک سبندھاں دا مسیحا بن گیا ہے۔ ایوں پرتیت ہویا کہ پاکستان ولّ اسدا دا پہلاں والا رویہ شاید چون مجبوری سی۔


پردھان منتری دے عہدے دی سہں چکن ویلے مودی ولوں نواز شریف نوں دتے نؤندے توں لوکاں نوں پاکستان نال سبندھ سدھرن دی آس بجھی سی۔ بھارت دے لوک وشیش کرکے پنجاب سمیت سرحدی صوبیاں دے لوکاں دیاں امیداں سن کہ سبندھ سدھرن نال ہور شہراں دے نیڑے وی پاکستان نال سرحد کھلھ جاوے گی اتے وپار وچّ وادھا ہووےگا۔ پنجاب وچّ وپاری طبقہ اتے کسان اس توں وڈیاں امیداں لائی بیٹھے سن کہ اوہناں دے مندی ہیٹھ آئے کاروباراں نوں کوئی ہلارا ملیگا۔ پر مودی سرکار دیاں گنتیاں منتیاں بھارتی لوکاں نوں روٹی روزی دین والیاں نہیں ہن۔ مودی نے پاکستان نال سبندھ سدھارن دی وکھاوے بھری نیتی وی اس ویلے لگبھگ تیاگ دتی ہے۔

تنّ مہینیاں توں گھٹّ سمیں وچّ ہی ہوا نے دشا بدل لئی۔ مودی نے اپنے کارگل دورے سمیں پاکستان اپر دوش لایا کہ اوہ بھارت نال سدھی جنگ لڑن توں اسمرتھّ ہون کارن لکوی جنگ لڑ رہا ہے۔ بھارت اسدا ڈھکواں جواب دیویگا۔ اس توں اگلے ہفتے ہی 25 اگست نوں دوواں دیشاں ودیش منترالیاں دے اچّ ادھیکاریاں نوں ہون والی میٹنگ نوں ایہہ قہقے ردّ کر دتا کہ بھارت وچلے پاکستانی ہائی کمیشنر نے کشمیر دے وکھ وادی ہریئت آگوآں نال گل بات کرکے بھارت دی سرکھیا دے ورودھ کاروائی کیتی ہے۔ مودی نے کیہا کہ بھارت اپنی سرکھیا دی قیمت ’تے پاکستان نال سبندھ نہیں سدھاریگا۔ ایوں پاکستان نال سبندھ سدھارن لئی لال لکیر واہ دتی ہے۔

ہر وار گل بات فیل کرن جاں وسواشگھات کرن دا الجام پاکستان اپر ہی لایا جاندا ہے۔ پر دوویں دیشاں دیاں سرکاراں لوکاں دے مصلے حلّ کرن دی بجائے لوکاں نوں اک دوجے دے خلاف کھڑے کردیاں ہن۔ اس کرکے سرحداں اتے گولاباری اتے آپسی تناء ودھن دیاں گھٹناواں واپردیاں رہندیاں ہن۔ پچھلے سمیں تے جھات ماری جاوے تاں 1994 توں پاکستان سرکار بھارت نال گل بات توں پہلاں ہریئت دے ایہناں کشمیری آگوآں نوں ملدی آ رہی ہے۔ کشمیر مصلیٰ کیول بھارت دے قبضے ہیٹھلے کشمیر دا ہی نہیں ایہہ پاکستان دے قبضے ہیٹھلے کشمیر دا وی ہے۔ گل بات رکھن سمیں وی اجیہی کوئی شرط نہیں سی۔ ایہہ گل بات توڑن لئی بہانے وجوں ورتیا گیا ہے۔

اصل وچّ مودی سرکار نے کانگرس ولوں 1991 توں لاگوُ کیتیاں کارپوریٹ گھرانیاں اتے سامراج پکھی نیتیاں نوں جاری ہی نہیں رکھیا سگوں ایہناں نوں ہور ودھ تکھے اتے جابر روپ ’چ لاگوُ کرنا شروع کر دتا ہے۔ مودی سرکار بینکاں اتے رہندے جنتک اداریاں دے نجی کرن دے نال نال آرتھکتا دے ہور کھیتر وی ودیشی پونجی لئی کھولھ رہی ہے۔ ریل کرائے بھاڑے اتے ڈیزل پیٹرول دیاں قیمتاں وچّ وادھے دا تحفہ مودی نے گدی اپر براجمان ہندے سار ہی دے دتا۔ لوکاں دے جیون دے وسیلے، کساناں دی زمین کھوہکے کمپنیاں نوں دین لئی بھومی گرہن قانون نں ہور ڈھلا کرن دے یتن جاری ہن۔ نرمدا ڈیم دی اچائی نوں ودھاؤن دی منظوری دے کے مودی سرکار لکھاں لوکاں دے اجاڑے اپر موہر لا دتی ہے۔ اپنے بجٹ وچّ مودی سرکار نے کارپوریٹ گھرانیاں نوں 5.72 لکھ کروڑ روپئے دیاں رعایتاں دتیاں ہن اتے دیش 120 کروڑ جنتا نوں تیل، گیس، رسائنک کھاداں اتے کھادھ پدارتھاں اپر دتی جا رہی نگونی سبسڈی (2.51 لکھ کروڑ) نوں مارچ 2015 تکّ ہور چھانگن دے فیصلے لئے ہن۔ دیش وچ کروڑاں بے روزگار نوجواناں نوں روزگار دین لئی گھریلو کھیتی اتے سنئتی پیداوار ودھاؤن دی تھاں دیس دی منڈی نوں سامراجیاں لئی ہور ودھ کھولن دے فیصلے لئے ہن جس نال بے روزگاری وچّ ہور وادھا ہونا ہے۔ بھارت دے پہلاں ہی ڈھلے کرت قنوناں وچّ سامراجی اتے کارپوریٹ گھرانیاں دی منگ ’تے ہور وی مزدور ورودھی سودھاں کرن لئی تیاریاں کیتیاں جا رہیاں ہن۔ سپیشل آرتھک زوناں دے نام نال جانے جاندے بھارتی کرت قنوناں توں مکت سامراجی پونجی لئی کھل کھیڈ دے ٹاپو بناؤن دی نیتی نوں پھیر توں تیزی بخشی جاوے گی۔ لوکاں دیاں میداں اپر پانی پھرن نال اوہناں وچّ بے چینی دا ودھنا لازمی ہے۔ اجیہی حالتاں وچّ لوک ورودھی مودی حکومت لوکاں دا دھیان اوہناں دیاں بنیادی ضرورتاں توں ہٹاؤن لئی یتنشیل ہے۔

مودی گجرات وچّ 2002 وچّ مسلم ورودھی کتلوگارد نال سارے دیش اندر ہی نہیں بلکہ پوری دونیاں اندر چرچت ہویا۔ ایہناں دنگیاں وچّ 3000 دے لگبھگّ مسلم لوک مارے گئے لکھاں دے گھر اجڑ گئے۔ عورتاں دیاں ازتاں لٹیاں گئیاں۔ ایہہ ورتارا مودی دے نکّ ہیٹھ کئی دن چلدا رہا۔ مودی نے اس نوں روکن دی بجائے ہلا شیریل دتی۔ اج تکّ منکھتا دے قاتلاں نوں مودی نے سزاواں تاں کی دینیاں سن، اک وار افسوس وی نہیں کیتا۔ افضل گورو ورگیاں نوں موت دی سزا لاگوُ کرن دی منگ کرن والے مودی نے اپنی منتری مایہ کوڈنانی جو اس قتل عام وچّ دوشی پائی گئی ہے اتے عدالت نے اسنوں عمر قید دی سزا دتی ہے، وردھ اپرلی عدالت وچّ جاکے موت دی سزا دی منگ نہیں کیتی۔ گجرات سرکار ولوں تاں مایہ کوڈنانی نوں پیرول اپر رہا وی کر دتا گیا ہے۔ چون پرچار دے دوران ہندو فرقہ پرست مودی نوں ووٹ نہ دین والیاں نوں پاکستان دھکن دیاں دھمکیاں دندے رہے۔ اتر پردیش وچّ بھاجپا دے چون پربندھک مودی دی کھبی بانہہ امت شاہ دی فرقو سیاست کرکے 2013 وچّ اتر پردیش وچّ 247 دنگے ہوئے جہناں وچّ 133 لوک مارے گئے اتے 2269 زخمی ہوئے۔ مجپھر نگر دے دنگیاں کارن اتھے وی فرقو دھرویکرن تکھا ہویا اتے مودی دی جھولی وچّ 72 سیٹاں پین نال اسدی گدی پکی ہو گئی۔ پورے دیش ’چ 838 دنگے ہوئے۔ اننتناگ یاترا دے بھوجن بھنڈار وچّ ہوئے جھگڑے سبندھی توگڑیاں نے مسلم بھائیچارے نوں شریام دھمکی دتی کہ جے اوہ گودھرا بھلّ گئے ہن، تاں اوہناں نوں مزفرنگر تاں یاد ہونے۔ مودی نے ایہہ دھمکیاں دین والیاں نوں سزا تاں کی دینی سی اسنے تاں دنگیاں نوں ہلاّ شیری دتی سی۔ اس توں سپشٹ ہے کہ اوہ لوکاں نوں فرقو لیہاں اپر ونڈن لئی ہندو فرقہ پرستاں نوں شہِ دندا ہے اتے مسلماناں نوں اتوادیاں وجوں ٹکدا ہے۔ سنسدی چوناں سمیں اتے مودی سرکار دے پہلے 45 دناں اپریل-جونریل 2014 وچّ مسلم ورودھی دنگیاں وچّ وادھا ہویا ہے۔ رمضان دے موقعے اپر پردھان منتری ولوں مسلم بھائیچارے نوں دتے جان والی بھوج دی ریت مودی نے توڑ دتی ہے۔ پر نیپال وچّ ہندو مندر اپر لکھاں کروڑاں روپئے دی چندن دی لکڑی چڑھا آیا ہے۔

پاکستان کیونکہ مسلم بہو گنتی دا دیش ہے اس کرکے مودی واسطے بھارتی لوکاں نوں فرقو لیہاں اپر ونڈن لئی پاکستان نوں دشمناں وجوں ٹکنا پوری طرحاں راس آؤندا ہے۔ سبندھ سدھارن لئی سہں چکّ سماگم تاں اک چھلاوا سی۔ ہندوستان دے حاکماں ولوں دکھنی ایشیا وچّ چودھر چمکاؤن وچّ صرف پاکستان دا نہ دبنا، اک روڑا ہے۔ ایہہ پاکستان نال دشمنی دا اک وڈا کارن وی ہے۔ ہندوستان دیاں حاکم جماعتاں دی کومیئتاں نوں دباؤن دی نیتی ہے جویں کشمیری لوکاں دے آتم نرنے دے حق نوں کچلنا۔ مودی دا ہندو راشٹرواد کشمیر لوکاں دیاں ریجھاں نوں دباؤن اتے دھکے نال کشمیری لوکاں نوں بھارت نال بنن دی نیتی ’تے چلدا ہے۔ اس مصلے کارن پاکستان نال وڈا ٹکرا ہے۔ بھارتی مسلماناں اپر اتیاچاراں دا پاکستان اندر پرتیکول اثر پیندا ہے جو بھارت اپر دہشتگردی حملیاں دی بھوئں مہئیا کردا ہے۔ اسنوں ورتکے دوواں دیشاں دیاں سرکاراں اپنا سیاسی الو سدھا کردیاں ہن۔

مودی دے چون پرچار اپر دیسی ودیشی کارپوریٹ گھرانیاں نے 3000 کروڑ خرچ کیتے ہن۔ ودیشی کارپوریٹ گھرانیاں وچّ امریکہ- اجرائیل ورگے ملک ہتھیاراں دے وڈے وکریتا وی ہن۔ بھارت ایہناں توں ہتھیاراں دا وڈا خریددار ہے۔ پھائینانشیئل ٹائیمز 24 فروری 2014 انوسار پچھلے سال سنسار پدھر تے ہتھیاراں دا وپار 63 بلیئن ڈالر سی اتے بھارت نے اس وچوں لگبھگ 10 فیصدی (5.9 بلیئن ڈالر) دے ہتھیار درامد کیتے۔ 2010 توں بھارت دنیاں وچّ ہتھیاراں دا سبھّ توں وڈا خریددار چلیا آ رہا ہے۔ 2009 توں بھارت نے امریکہ توں 23.7 کروڑ ڈالر دے ہتھیار کھریدیے سن پر 2013 وچّ امریکہ توں ہتھیاراں دی خریدو پھروکت 1.9 بلیئن ڈالر (چار گنا) ہو گئی ہے۔ اس نے 2013 اجرائیل توں 1 بلیئن ڈالر دے ہتھیار خریدے ہن۔ بھارت ہتھیار دی خرید لئی امریکہ دا وڈا اتے اجرائیل دا دوسرا وڈا خرید-دارد ہے۔اوہ بھارت نوں ہتھیار ویچن والے اتے اتھے سرمایہ لاؤن والیاں دے ہتّ بھارت-پاکستان دے سبندھ سدھارن وچّ نہیں ہن۔

اس کرکے مودی سرکار دیاں گھریلو اتے ودیشی نیتیاں دا رخ اج دی حالت وچّ پاکستان پرتی مترتا دا ہتھ ودھاؤن دی تھاں اس ولّ اکھاں کڈھن دا ہے۔ حاکماں ولوں آپنائیاں گئیاں لوک ورودھی نیتیاں کارن ہی حاکم اپنے طیور بدلدے رہندے ہن۔



Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code