ناول
  سِّدھی-سادی گّل
  کاتراں
  خبرسار
  شخص نامہ
  نظریہ
  ادب،کلا ،سنگیت اتے سِنیما
  کاو-شار
  کِتاباں
  ڈوُنگھیاں سوچاں
  کہانی
  نصر
  ہیلتھ-لائن
  جانکاری اتے تکنالوجی










انٹرنیٹ دی لط -اوشا جین شیری


Posted On :- 03-09-2014

سوشل نیٹورکنگ سائٹس نے ہن اپنی گھسپیٹھ راجنیتی وچ وی کر لئی ہے جاں ایہہ کہیئے کہ راجنیتی نے ہن اپنی گھسپیٹھ شوشل سائیٹ وچّ کر لئی ہے تاں زیادہ صحیح رہے گا ہنے ہوئیاں چوناں نے ایہہ سدھ کر دتا ہے۔ اس گلّ وچّ کوئی دو رائے نہیں کہ سوشل میڈیا دے کارن اسیں منٹاں دیاں دوریاں پلاں وچّ طے کرکے منچاہے لوکاں نال سمپرک کر سکدے ہاں۔ اج دی یوا پیڑھی ورچوئل جگت وچّ رہن دا جنون اس قدر ودھ گیا ہے کہ جو اصل دی دنیاں دے لوک ہن اوہ پچھے چھٹدے جا رہے ہن۔ ہن رشتے داراں دے بارے جانکاری رکھن وچّ اوہناں نوں کوئی دلچسپی نہیں۔ گانڈھیاں وچّ اوہناں نوں کوئی مطلب نہیں رہندا اتھوں تکّ کہ اک ہی بلڈنگ وچّ رہن والے لوک اک دوجے نوں نہیں جاندے۔ دوستاں دے نال کھاندے-پیندے ہاسہ مذاق کرنا، اوہناں دے نال انترکرم کرنا ہن بیتے زمانے دیاں گلاں ہو چلیاں ہن۔

ہن دوست بندے ہن پر دنیاں دے دوسرے شہر دوسرے دیش وچّ رہندے اپنے پھیسبکّ پھیرڈز دی کمپنی اوہناں نوں زیادہ چنگی لگدی ہے۔ اوہناں بارے پوری دلچسپی نال ہر جانکاری رکھدے ہن۔ اوہناں دے پھیسبکّ ٹائیملائن اتے وٹسئپّ سٹیٹس نوں لگاتار پھالو کرنا اوہناں دا شوگل بن گیا ہے۔ ایہہ جنون اج زیادہ توں زیادہ نوجواناں اتے گبھریٹاں دے سر چڑھ کے بول رہا ہے۔ اج ودھدی طلاق دی سمسیا دا مکھ کارن انٹرنینٹ ’تے موبائل دا زیادہ ورتوں کرنی ہے۔ پتی پتنی اک دوجے نوں سماں نہیں دے پاؤندے۔ اس نال جھگڑے دی ستھتی پیدا ہو جاندی ہے۔

اجیہے وچّ آپسی سمجھ ہووے تاں کس طرحاں۔ آپسی وشواش ختم، آپسی میلملاپ ختم، بس رہندا ہے مکینیکل چال دا جیون جس نال رشتے ٹٹن دی کگار ’تے آ جاندے ہن۔ بچے وی اس دی لپیٹ وچّ آ جاندے ہن۔ اپنی ہی دنیاں وچّ لین بچیاں نوں بغیر اچتّ گائڈلائن دے بھٹکدے دیر نہیں لگدی۔ سپیشل سائٹس ’تے اوہناں دی سرگرمی دنوں دن ودھدی جا رہی ہے۔ ایسوچیم دے سروے انوسار وڈے شہراں وچّ 8 توں 14 سال تکّ دے 75 فیصدی بچے پھیسبکّ اتے ہور سائٹاں ’تے سرگرم ہن۔ کئی ماپے خود اپنی شان دے لئی بچیاں نوں اتشاہت کرکے اس نال جڑن وچّ مدد کردے ہن۔ اس گلّ دی اندیکھی کردے ہوئے کہ اس دا انزام کی ہو سکدا ہے۔ شراب دی طرحاں ہی ایہہ وی اک لط بن جاندا ہے۔ لط کسے وی چیز دی بری ہندی ہے۔

اجیہے کنے ہی قصیاں نال اخباراں، رسالے بھرے رہندے ہن۔ جدوں سائٹس ’تے لوک فرضی پروپھائل پا کے دوجیاں نوں دھوکھا دندے ہن۔ پول کھولن ’تے کدے دھوکھا کھان والا اتے کدے دھوکھا دین والا آتم ہتیا تکّ کر لیندا ہے۔ ہنے ہی ہوئی اک گھٹنا وچّ جدوں دشا ناں دی اک لڑکی دے گھر کجھ لوک اپنی کار وچّ پہنچ گئے ساہمنے ہی کمرے وچّ لڑکی دے ماتا پتا بیٹھے سن۔

اوہناں دے ساہمنے جدوں نوجواناں نے لڑکی نال پھیزیکل ہون دی گلّ کردے ہوئے اس دا ریٹ پچھیا تاں اوہ حقِ-پکے رہِ گئے۔ جدوں اوہناں نوجواناں دی جھاڑ جھمب کیتی تاں اوہناں دسیا کہ اوہناں نے سوشل نیٹورکنگ سائٹ ’تے دشا دی جو پروپھائل دیکھی سی اس وچّ کیہا گیا سی کہ کال گرل دشا دے ماں-باپ ہی اس توں دھندا کراؤندے ہن۔ اصل وچّ ہویا ایہہ سی کہ دشا دے کسے دشمن نے دشا نوں بدنام کرکے اس توں بدلہ لین دے لئی ایہہ کجھ کیتا سی۔ اس طرحاں غلط لوکاں دے لئی ایہہ ہتھیار بن چکیا ہے۔ انٹرنیٹ اڈکشن نال جو سمسیاواں ودھ رہیاں ہن اوہ ہن : اکلتا، بھولن دی بیماری، پروارک کلیش، کمزور ہندے رشتے پر اک لوڑیندی اسیں ٹیکنالوجی دی دین، سہولتاں پردان کرن والے، گیجٹس نوں پوری طرحاں چھڈّ نہیں سکدے۔ ضرورت ہے تاں بس اس دی سمجھداری پورن، تے پرپکتا نال ورتوں کرن دی۔ ایہہ ساڈے-تہاڈے ’تے نبھر کردا ہے کہ اسیں اس دی ورتوں کس حد تکّ کنی اتے کویں کردے ہاں۔




Leave Your Comment
  Name
  Comment
Note * - Please Enter your link in {} . Example :- {www.suhisaver.org}
  Security Code